أبي فارس
يسافر بي على متن السفر والنور
يذوبني على صدره ؛ كما شمس تبي لقياه
وأبي شاعر
يصورني؛ ويكتبني سماء وبحور
يقول الشعر بعيونه ؛ وبعيون الشعر القاه
وأبي عابد
يخاف الي نحج لبيته المعمور
إلى منه عصى ربه ؛ سجد باكي على رجواه
وأبي عاشق
يعاهدني عهود الوافي الماسور
يدوس النار لرموشي ؛ ولايرضى أقول الاه
وأبي طاهر
مثل غيث السحاب العالي المغرور
عفيف النفس والنظره ؛ وحبه مالك دنياه
أميري
وينها أرضك ابوصل قصرك المسحور
أبي موتي على صدرك ؛ أضيع برجفته ودفاه
كبير الحلم
في نفسي وروحي والحلم معذور
مجرد حلم داعبني ؛ تراي من الصغر وياه
وأنا ادري
في هالدنيا شباب يعشقون الجور
قليل اللي نلاقيهم ؛ هواهم صافي معنااه
حبيبي
يالمحال اللي ابيه ومالقيت النور
شعور غامض بقلبي أحسك جالس تقراه
أحس أنك
بتتحق وأحس أن الزمن بيدور
وأحس أن الحلم باقي وأحس أني قريب ألقاه
وبـــــــــــــــــس
الأحد أبريل 27, 2008 11:00 pm
